සටහන – රෂිකා හෙන්නායක
කොළඹ (LNW): පළාත් පාලන ආයතනවල මේ වනවිට පවතින පුරප්පාඩු සංඛ්යාව 12,000 ක් බව රජය පවසයි.
ඒ අනුව , පළාත් පාලන ආයතනවල අනියම්, ආදේශක සහ කොන්ත්රාත් පදනමින් සිටින සේවකයින් කඩිනමින් ස්ථිර කරන බවත්
ඊට අදාළ තොරතුරු රැස් කිරීම ආරම්භ කර ඇති බවත් ,පළාත් සභා හා පළාත් පාලන රාජ්ය අමාත්ය ජානක වක්කුඹුර මහතා පවසයි.
දැනට ඇති පුරප්පාඩු සම්පූර්ණ කිරීම සඳහා අදාළ සේවකයින්ට ස්ථිර පත්වීම් ලබාදෙන බවයි අමාත්ය ජානක වක්කුඹුර මහතා සඳහන් කළේ.
ඒ සඳහා කඩිනමින් කැබිනට් අනුමැතිය ද, ලබාගන්නා බවත් , මේ වන විට පළාත් පාලන ආයතනවල අනියම්, ආදේශක සහ කොන්ත්රාත් පදනමින් සිටින සේවකයින් සංඛ්යාව 10,000 සිටිනා බවත් අමාත්යවරයා පැවසීය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
