සටහන – රුවන් නෙළුගොල්ල
අග්‍රාමාත්‍ය දිනේෂ් ගුණවර්ධන මහතා විසින් අද (26) උදෑසන පාර්ලිමේන්තුවේදී විශේෂ ප්‍රකාශයක් සිදුකිරීමට නියමිත බව වාර්තා වේ.
ඒ, දේශබන්දු තෙන්නකෝන් මහතා පොලිස්පති ධුරයෙහි කටයුතු කිරීම වළක්වාලමින් ශ්‍රේෂ්ඨාධිකරණය නිකුත් කළ අතුරු තහනම් නියෝගය සම්බන්ධයෙන් රජයේ ස්ථාවරය ප්‍රකාශ කිරීම සඳහා ය.
අදාළ තීන්දුව පෙරේදා (24) උදෑසන ශ්‍රේෂ්ඨාධිකරණය විසින් නිකුත් කරන ලද අතර එදිනම පස්වරුවේ ජනාධිපති රනිල් වික්‍රමසිංහ මහතා විසින් විශේෂ කැබිනට් රැස්වීමක් කැඳවා ඒ සම්බන්ධයෙන් සාකච්ඡා කර තිබිණි. එහිදී තීරණය වී තිබුණේ මෙම තීන්දුවේ නීතිමය තත්වය පිළිබඳ අධ්‍යනය කර, දින දෙකක් තුළ ඒ සම්බන්ධව කැබිනට් මණ්ඩලයේ ස්ථාවරය ප්‍රකාශයට පත්කිරීමටයි.
