නිශ්මං රණසිංහ ජූලි 27, කොළඹ LNW:
ලෝක විශ්ව විද්යාල ක්රීඩා උළෙල නියෝජනය කරන කැළිනය සරසවිය නියෝජනය කරන අම්පාර දිස්ත්රික්කයේ මෙන්ම ශ්රී ලංකා යුද හමුදාවට සම්බන්ධ ක්රීඩිකාවක් වන රසාරා විජේසූරිය මීටර් 5000 ඉස්වවේ ජාතික වාර්තාව ද සිය නමට ලියා ගත්තාය.මීට පෙර තමන්ගේම නමින් පැවති මීටර් 10000 ජාති වාර්තාවේ කාලයද ඉදිරියට ගෙන යමින් නව වාර්තාවක් පිහිටුවන්නට මෙම ක්රීඩා උළෙලේදීම සමත් වූ රසාරා මීටර් 5000 ඉසව්වේ ජාතික වාර්තාව සිය නමට ලියා ගත්තේ පළමුවන වතාවටය.
මීටර් 5000 ඉසව්වේ පැවති ජාතික වාර්තාව වූ ගයන්තිකා අබේරත්නගේ විනාඩි 15:55.84 ක කාලය ඉක්මවමින් රසාරා 15:52.60 න් තරගය නිමා කරමින් නව ජාතික වාර්තාවේ හිමිකාරිය වූවාය.මූලික තරගයේදී ද රසාරා තමාගේ හොඳම පෞද්ගලික කාලය වාර්තා කරමින් විනාඩි 16:00.30 ක් වාර්තා කරන්නට සමත් වූ අතර අවසාන තරගයේ පැවති තරගකාරීත්වයට සාපේක්ෂව ඇය එම කාලය තවත් ඉදිරියට ගෙන එමින් ජාතික වාර්තාව ද තත්පර 3 න් ඉදිරියට ගෙන ආවාය.
සජිත් ජයලාල් යටතේ පුහුණුව ලබමින් සිටින රසාරා මෙම තරගාවලියේදී කියා පෑවේ වඩා තරගකාරී මට්ටමේ තරග සඳහා ලැබෙන ඉඩ අනුව මීටර් 5000 මෙන්ම මීටර් 10000 ඉසව් ද තමන්ට ජාතික මට්ටමෙන් ඉදිරියට ගෙන යන්නට දායකත්වය දිය හැකි බවය.ඉතාම අඩුවෙන් අවධානය යොමුවන ඉසව් හැටියට ශ්රී ලංකාවෙන් ජාත්යන්තර සහභාගීත්ව අවස්ථා හිමිවන දුර දිවීමේ ඉසව් සඳහා ඉදිරියේදී මීට වඩා අවස්ථා සළකා බැලිය යුතුව තිබෙන බව රසාරා නැවතත් ක්රීඩා බලධාරීන්ට මෙන්ම ජාතික තේරීම් කමිටුවලට ද මේ දක්ෂතා හරහා පෙන්වා දුන්නාය.
