සිංගප්පූරු ජාතික ක්රිකට් කණ්ඩායමේ පුහුණුකරු ධූරයට ශ්රී ලාංකිකයෙකු වන චමින්ද රුවන් කුමාරගේ පත් කිරිමට කටයුතු කර ඇත.43 හැවිරිදි චමින්ද කොළඹ බ්ලූමිෆීල්ඩ් ක්රිඩා සමාජයට සම්බන්ධ වී සිට ඇති අතර ඔහු 2018 සිට සිංගප්පූරු ජාතික කණ්ඩායම නියෝජනය කර තිබේ.එම කණ්ඩායම වෙනුවෙන් මුල් පෙළේ පිතිකරුවෙක් ලෙස විස්සයි විස්ස තරග 10 ට ක්රීඩා කර තිබෙන චමින්ද, සිංගප්පූරු ජාතික ක්රිකට් කණ්ඩායමේ නායකයා ලෙස ද කටයුතු කර ඇත.
තවත් දින දෙකකින් ජූලි 29 වන දාට 44 වන වියට පා තබන චමින්ද රුවන් කුමාරගේ කළුතර දී උපත ලබා ක්රිකට් ක්රීඩාවට පිවිස ඇත්තේ කළුතර හොලික්රොස් විද්යාලයෙනි.
ආසියානු ක්රිකට් කවුන්සිලයෙන් පුහුණුකරුවෙක් ලෙස සුදුසුකම් ලබා එම පාඨමාලාවන් තුළින් ලද දැණුමෙන් සිංගප්පූරු ක්රිකට් ජාතික ඇකඩමිය මෙන්ම ක්රිඩා සමාජ ගණනාවකට ද පුහුණුකරුවෙක් ලෙස සම්බන්ධ වී කටයුතු කර ඇති චමින්ද රුවන් කුමාරගේ මෙවර ආසියානු තරගාවලිය නියෝජනය කරන සිංගප්පූරු ජාතික කණ්ඩායමේ පුහුණුකරු ලෙස සිය ජාතික පුහුණුකරු තනතුරේ රාජකාරී අරඹනු ඇත.
සටහන – නිෂ්මං රණසිංහ