සටහන – නිශ්මං රණසිංහ
ජූලි 28, (LNW) කොළඹ :
ශ්රී ලංකාව නියෝජනය කරමින් මෙවර පැරිස් ඔලිම්පික් උළෙලේ බැඩිමින්ටන් ක්රීඩාවෙන් තරග වඳින විරේන් නෙත්තසිංහ අද තරග බිමට පිවිසෙනවා.පස්වරු 1.30 ට පැවත්වෙන මෙම තරගයේදී ඔහුගේ ප්රතිවාදියා වන්නේ මැලේසියානු ක්රීඩක ලී ෂී ජියාය.ඔහු ලොව අංක හතට ශ්රේණිගතව සිටින ක්රීඩකයායි.
විරෙන්ට ඔහු මුහුණ දෙන ජී කාණ්ඩයේ තවත් තරගයක් පැවත්වෙන අතර එය 30 වන දා ස්පාඤ්ඤයේ ෆැබ්ලෝ ඒබියන් සමඟ පැවත්වීමට නියමිතයි. ෆැබ්ලෝ මීට පෙර විරේන්ට මුණ ගැසී ඇති සහ විරේන් විසින් පරාජය කරනු ලැබූ ක්රීඩකයෙක්ද වෙනවා.
පැරිස් තරගාවලියට ශ්රී ලංකාවෙන් පළමුවෙන්ම සුදුසුකම් ලද ක්රිඩකයා මෙන්ම පැරසියිට ශ්රී ලංකාව නියෝජනය කරමින් පළමුවෙන්ම පිවිසි ක්රීඩකයාද වන විරේන්,ඔහු ඔලිම්පික් තරගාවලිය සම්බන්ධයෙන් සැකසි පුහුණු මධ්යස්තානයේ පුහුණුව ලැබීමට අමතරව,තරග පැවත්වෙන ඔලිම්පික් තරග බිමේද පුහුණුව ලැබීමට භාග්යය ලද ක්රීඩකයෙක්.මේ ඡායාරූපයේ දැක්වෙන්නේ ඔහු ඔලිම්පික් තරග බිමේ පුහුණුව ලබන අයුරුයි.
