කොළඹ LNW: ජනාධිපතිවරණයට තමන් අපේක්ෂකයෙක් ලෙස ඉදිරිපත් වීම ගැන තවමත් අවසන් තීරණයක් ගෙන නොමැති අතර ජනාධිපතිවරණය සම්බන්ධයෙන් එක්සත් ජනරජ පෙරමුණේ ස්ථාවරය ඉදිරියේදී ප්රකාශයට පත් කරන බව එහි නායක පාර්ලිමේන්තු මන්ත්රී පාඨලී චම්පික රණවක මහතා පැවසුවේය.
පසුගිය පෙබරවාරි 14 වෙනිදා එක්සත් ජනරජ පෙරමුණ ලෙස ඉදිරිපත් කළ වැඩපිළිවෙල ගැන බොහෝ දේශපාලන පක්ෂ සමඟ සාකච්ඡා කර තිබෙන බවත් එම ප්රතිපත්ති කාරණාවලට අමතරව ඉදිරියේදී රජයන් පිහිටුවා ගන්නේ කොහොමද? මැතිවරණ කටයුතු කරන්නේ කොහොමද? යන්න පිළිබඳවද සාකච්ඡා කෙරෙමින් තිබෙන බවයි රණවක මහතා කියාසිටියේ.
යම් කිසි පාර්ශවයකට සහය දෙන්නේ නම් රාජපක්ෂවරුන්ගේ සහය නොලැබෙන පාර්ශවයකට එම සහය දෙන බවද හෙතෙම ප්රකාශ කළේය.
විශේෂයෙන් රාජපක්ෂවරුන්ගේ ආශීර්වාදය සමඟ යන කිසිදු කෙනෙකුට තම සහයෝගය නොදෙන බවයි ඔහු අවධාරණය කළේ.
රට බංකොලොත් වීම සම්බන්ධයෙන් රාජපක්ෂ පවුල රටේ ශ්රේෂ්ඨාධිකරණයෙන් වරදකරුවන් කර තිබෙන බවත් ඛනිජ තෙල් අමාත්යංශය, විදුලිබල අමාත්යංශය, මුදල් අමාත්යංශය, මහ බැංකුව යන ආයතන කරවපු බොහෝ දෙනෙක් මෙම ආර්ථික අපරාධයට වගකිව යුතු බවයි රණවක මහතා පැවසුවේ.
ඔහු මෙම අදහස් දක්වා සිටියේ පසුගියදා කඩුවෙල, වදුරඹමුල්ල බුරුම විහාරස්ථානයේ පැවති ජන හමුවක් අතරතුර මාධ්ය වෙත අදහස් දැක්වමිනි.
ආශිකා බ්රාහ්මණ
