සටහන – රුවන් නෙළුගොල්ල
ජාතික ජන බලවේගයේ ආණ්ඩුව යනු මත්ද්රව්ය ජාවාරම්කරුවන්ට හෝ පාතාලයට හෝ වෙන කිසිවෙකුට හෝ බියවී තම ක්රියාමාර්ග හකුළාගන්නා පාලනයක් නොවන බව කම්කරු නියෝජ්ය අමාත්ය මහින්ද ජයසිංහ මහතා පවසයි.
“මෙහෙමයි, විරුද්ධ පක්ෂය දැනගන්න ඕනා, අපි පාතාලයටවත් මත්ද්රව්ය ජාවාරම්කරුවන්ටවත් කිසිවෙකුට යටත් වෙන ආණ්ඩුවක් නෙවෙයි. නමුත් ජනතාවගේ සුබසිද්ධිය වෙනුවෙන් යම්යම් තීන්දු ගන්නට වෙනවා. ඒ හැර වෙන කිසිවක් නෙවෙයි. මේ වෙනකොටත් අපි දන්නවා පාතාල ක්රියාකාරකම් සැලකියයුතු මට්ටමකින් අපේ රටේ අවම කරන්නට අපි කටයුතු කරලා තියෙනවා. මත්ද්රව්ය ජාවාරම්වලට වැට බඳිමින් කටයුතු කරලා තියෙනවා. අපි මේ කිසිවකට යටත් නෑ. අපි මේ රටේ බලයට ආවෙ කිසිවෙකුට යටත්වෙලා අපේ ක්රියාමාර්ග හකුළාගන්න නෙවෙයි. අපේ ක්රියාමාර්ග අපි ඉදිරියට ගෙනියමින් රටේ ජනතාවට පොරොන්දු වුණ ලෙසට ජනතා අභිලාෂයන් ඉටුකිරීමට ක්රියාමාර්ග සියල්ල ගන්නවා. ඒ ගැන කිසිවෙක් සැකසංකා තියාගන්න ඕනෙ නෑ”
මහින්ද ජයසිංහ නියෝජ්ය අමාත්යවරයා මේ බව පැවසුවේ ඊයේ (28) පැවති වැඩසටහනකින් අනතුරුව මාධ්ය වෙත අදහස් දක්වමිනි.
