රන් මාර්ග සහ සේද මාර්ග සේවාවලින් උපයන ආදායමෙන් 30%ක් ආගමන සුබසාධන අරමුදලට ලබා දෙන බව විශ්වාස කටයුතු ආරංචි මාර්ග සඳහන් කරයි.
මෙම සේවාවන් සඳහා ගාස්තු අධික වන අතර අනෙකුත් ජාත්යන්තර “වේගවත් – fast track” සේවාවන් සමඟ සැසදූ විට එය එම සේවාවන් හා සමාන හෝ තරඟකාරී නොවේ. අපේ මූලාශ්ර නිවැරදි නම්, මෙම ගාස්තු නිර්ණය කර ඇත්තේ ලාභ කොටසත් එක්කොටයි.
මෙය භයානක තත්ත්වයකි, එයින් අදහස් වන්නේ මෙම රජයේ සේවකයන්ට වැටුප් ගෙවන්නේ ඔවුන් දැනටමත් වැටුප් ලබන ඔවුන්ගේ රැකියාව කිරීමට ය. තීරණාත්මක ප්රශ්නය ඉතිරිව ඇත, මෙය එසේ නම් මෙම ගෙවීම නීත්යානුකූලද? අනෙකුත් රජයේ සේවකයන්ටද ඔවුන්ගේ රැකියාව කිරීමට ලාභ කොටස් ගෙවීමට අවශ්ය නම් කුමක් කළ යුතුද? කවුද මේ ගැන සාකච්ඡා පැවැත්වූයේ? මුදල් අමාත්යාංශය මේ ගැන දැනුවත්ද? සහ එය මුදල් අමාත්යාංශ චක්රලේඛවලට පටහැනි නොවේද? එය එසේ නම් එය මහජන මුදල් අවභාවිතයක් නොවේද? ඔවුන් මේ වන විට කොපමණ මුදලක් ගෙවා තිබේද? එවැනි ගෙවීම් ලෝකයේ වෙන රටවලත් සිදු වෙනවාද? මේ ප්රශ්න වලට කවුරුහරි උත්තර දිය යුතුයි.
ඉහළ මට්ටමේ සංචාරක සහ ව්යාපාරික සංචාරකයින් ආකර්ෂණය කර ගැනීම සඳහා සේද මාර්ගය සහ රන් මාර්ගය ශ්රී ලංකාවට අත්යවශ්ය මෙවලම් වේ. සමහර නිලධාරීන්ට මෙය එතරම් වැදගත් නොවිය හැකි නමුත් එය නිසැකවම රටේ සංචාරක සහ FDI අංශ සඳහා වැදගත්වේ.
කාර්යාලයේ පැමිණීමේ සහ පිටවීමේ දොරටු හා කවුන්ටර අසල CCTV කැමරා සෘජුවම නොපවතින අතර, එම කැමරා හරහා දුර සිට පමණක් දර්ශනය වන බව මීට පෙර වාර්තා විය. බලධාරියෙකු මෙම කරුණු සොයා බලා මෙම ගැටළු නිවැරදි කිරීමට මෙම කරුණු සත්යාපනය කරනු ඇතැයි බලාපොරොත්තු වෙමු.