කොළඹ LNW:එක්සත් ජාතික පක්ෂයට සහ ශ්‍රී ලංකා නිදහස් පක්ෂයට සිදු වූ ඉරණම දෙස බලා එම ආදර්ශයන් මත ඔවුන් අපේක්ෂකයෙක් ඉදිරිපත් කිරීමට ගෙන තීරණය සමඟි ජන බලවේගයට අභියෝගයක් නොවන බව සමඟි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා පවසයි.
මෙලෙස අපේක්ෂකයන් ඉදිරිපත් වීම ප්‍රජාතන්ත්‍රවාදයේ ලක්ෂණයක් වන අතර පොහොට්ටු පාක්ෂිකයින් වෙනුවෙන් අපේක්ෂකයෙක් ඉදිරිපත් වීමද හොඳ දෙයක් බවයි අත්තනායක මහතා සඳහන් කරන්නේ.
වෙනත් පක්ෂයක් පසුපස ගියොත් ඔවුන්ගේ පක්ෂයට වෙන ඉරණම ගැන පොහොට්ටුව හොඳින් දන්නා හෙයින් මෙලෙස ඔවුන්ගේම අපේක්ෂකයෙක් දෙස අවධානය යොමුකර තිබෙන බව අත්තනායක මහතා වැඩිදුරටත් ප්‍රකාශ කරන ලදී.
තිස්ස අත්තනායක මහතා මෙම අදහස් දක්වා සිටියේ යටිනුවර ප්‍රදේශයේදී මාධ්‍ය වෙත අදහස් දක්වමිනි.
ආශිකා බ්‍රාහ්මණ
