ශ්‍රී ලංකාවේ ණය ප්‍රතිව්‍යුහගතකරණ ක්‍රියාවලියට සහාය දෙන සියලුම රටවලින් තමන් විශේෂ ඉල්ලීමක් කරන බව ජනතා විමුක්ති පෙරමුණේ නායක අනුර කුමාර දිසානායක මහතා පවසයි.
“ලංකාවේ ණය ප්‍රතිව්‍යුහගත කිරීම සඳහා යම් රාජ්‍යයක් සහාය දෙනවා නම් අපි ඒකට ප්‍රශංසා කරනවා. නමුත් ඒ හැම රටකින්ම අපි ඉල්ලා හිටිනවා – අද ණය ප්‍රතිව්‍යුහගත කිරීමට හේතුවුණේ මොකක්ද, එම ලබාදීපු ණය අදාළ ව්‍යාපෘතිවලට යොදවා නොමැතිකම. ඒ නිසා තමයි විගණකාධිපතිවරයා කියන්නේ රුපියල් කෝටි ලක්ෂ 8ක් වන ණයවලින් රුපියල් කෝටි ලක්ෂ 2ක තමයි වත්කම් තිබෙන්නේ කියලා. සියයට විසි පහක. ඒ නිසා ඒ රටවල්වලට ණය ප්‍රතිව්‍යුහගත කරනවා වගේම තමන් දීපු ණයවලට මොකක්ද වුණේ කියලා පරීක්ෂා කළ යුතුයි කියලා අපි යෝජනා කරනවා”
අනුර කුමාර දිසානායක මහතා මේ බව පැවසුවේ පසුගියදා පැවති ජාතික ජන බලවේගයේ මාධ්‍ය හමුවක් අමතමිනි.
RN
