මැදිරිගිරිය ප්‍රදේශයේ මාර්ගයක් විවෘත කිරීමේ උත්සවයක් සඳහා ඊයේ (02) ගිය රාජ්‍ය ඇමති සිරිපාල ගම්ලත් මහතාට සහ ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ජගත් සමරවික්‍රම මහතාට ප්‍රදේශවාසී ජනතාවගෙන් දැඩි විරෝධයක් එල්ල වී තිබේ.
දීර්ඝ කාලයක් තිස්සේ අබලන්ව ඇති මාර්ගයක් පිළිසකර නොකර, හිටපු මන්ත්‍රීවරයකුගේ නමින් යළි විවෘත කිරීමට පැමිණීම සම්බන්ධයෙන් ජනතාව ඔවුන්ට ඉතාම තදින් දෝෂාරෝපණය කරනු එහිදී දැකගැනීමට හැකිවිය.
ජනතා විරෝධය හමුවේ මාර්ගය විවෘත කිරීමේ උත්සවය නොපවත්වාම ආපසු හැරී යාමට රාජ්‍ය අමාත්‍යවරයාට සහ මන්ත්‍රීවරයාට සිදුවිය.
RN
