කොළඹ LNW:09වෙනි විධායක ජනාධිපති ලෙස පත්වන්නේ ශ්‍රී ලංකා පොදුජන පෙරමුණ විසින් ඉදිරිපත් කිරීමට නියමිත අපේක්ෂකයා බව එහි මහ ලේකම් සාගර කාරියවසම් මහතා පැවසුවේය.
ඔහු මේ බව සඳහන් කළේ අද (06) ශ්‍රී ලංකා පොදුජන පෙරමුණේ ප්‍රධාන කාර්යාලයේදී මාධ්‍ය වෙත අදහස් දක්වමිනි.
ඒ අනුව එම ජයග්‍රාහී අපේක්ෂකයා හෙට උදෑසන 07.00 වන විට රටටම දැනගැනීමට හැකිවන බවත් එම අපේක්ෂකයා නාමයෝජනා භාරදී සතියක් යනවිට ජනාධිපතිවරණය ජයගන්නේ එම අපේක්ෂකයා විසින් බවට හැමදෙනාම කියනු ඇති බවද කාරියවසම් මහතා කියාසිටියේය.
පක්ෂයක් ලෙස කටයුතු කරන්නේ ප්‍රතිපතති සමඟ මිස් පුද්ගලයින් සමඟ නොවන බවත් රටට ආදරය කරන පිරිස නැවත පක්ෂය සමඟ එකතුවනු ඇති බවද ඔහු සඳහන් කරන ලදී.
මේ අතර වඩාත් විශ්වාසය තබා ඇත්තේ මහජනතාව මත මිස මහජන නියෝජිතයින් මත නොවන බවද ඔහු තවදුරටත් අවධාරණය කරන ලදී.
ආශිකා බ්‍රාහ්මණ
