සටහන: සශිකලා මධුෂාණි,
අගෝස්තු 07, ලෝකය (අවුට්බවුන්ඩ් ටුඩේ) : බංග්ලාදේශ් අගමැතිනි ෂීක් හසීනා සිය ධුරයෙන් ඉල්ලා අස් වී රටින් පලායාමත් සමඟ විරෝධතාකරුවන් බංග්ලාදේශයේ අවාමි ලීගයේ නායකයෙකුට අයත් හෝටලයකට කරන ලද ගිනි තැබීමක් හේතුවෙන් ඉන්දුනීසියානු ජාතිකයකු ඇතුළු පුද්ගලයන් 24 දෙනෙකු පිළිස්සීම හේතුවෙන් මියගොස් ඇති බව වාර්තා වේ.
මෙලෙස ගිනිතබා ඇත්තේ ජොෂෝර් දිස්ත්‍රික්කයේ අවාමි ලීගයේ ප්‍රධාන ලේකම් ෂහින් චක්ලදාර්ට අයත් සබීර් ඉන්ටර්නැෂනල් නම් හෝටලයටය.
සුන්බුන් අතර තවත් මළසිරුරු ඇති බව විශ්වාස කරන අතර ඒ සම්බන්ධයෙන් වැඩිදුර විමර්ශන කටයුතු සිදුවෙමින් පවතියි.
අතර වාර්තා වලට අනුව, අවාමි ලීග් රජයට විරුද්ධ වූ නාඳුනන මැර පිරිසක් හෝටලයේ බිම් මහල ගිනි තබා ඇති අතර එය ඉක්මනින් ඉහළ මාලයට පැතිර ගොස් ඇති බව ජාත්‍යන්තර මාධ්‍ය වාර්තා කර තිබේ.
