කොළඹ LNW:ජාතික අධ්‍යාපන ප්‍රතිපත්ති ප්‍රෝඪාව වහා හකුළා ගන්නා ලෙස බලකරමින් අද (07) අන්තර් විශ්ව විද්‍යාලීය ශිෂ්‍ය බලමණ්ඩලය විසින් විශ්ව විද්‍යාල ප්‍රතිපාදන කොමිෂන් සභාව ඉදිරිපිට උද්ඝෝෂණයක් සංවිධානය කර තිබුණි.
ජාතික අධ්‍යාපන ප්‍රතිපත්ති ප්‍රෝඪාව ආණ්ඩුව උත්සහ කරන්නේ නිදහස් අධ්‍යාපන අහිමි කිරීම බවයි අන්තර් විශ්ව විද්‍යාලීය ශිෂ්‍ය බලමණ්ඩලය අවධාරණය කරන්නේ.
නිදහස් අධ්‍යාපන, නිදහස් සෞඛ්‍ය වනසන කොතලාවල ඇතුළු වෛද්‍ය උපාධි කඩ වහා අහෝසි කරන ලෙස ඔවුන් තවදුරටත් ආණ්ඩුවට බලකර සිටියි.
මෙම උද්ඝෝෂණය සඳහා විශ්ව විද්‍යාල ශිෂ්‍යයින් රැසක් එක්ව සිටි අතර ඔවුන්ට පොලීසියෙන් කඳුළු ගෑස්,ජල ප්‍රහාර එල්ල වීමක් සිදුවූයේ නැහැ.
ඒ අතර විශ්ව විද්‍යාල ප්‍රතිපාදන කොමිෂන් සභාවේ සභාපති මහාචාර්ය සම්පත් අමරතුංග මහතා ආරක්ෂක නිලධාරීන් ද නොමැතිවම උද්ඝෝෂණය ඉදිරිපිටට පැමිණ මාධ්‍ය වෙත අදහස් දැක්වීමක් ද සිදුකරන ලදී.
ජායාරූප – අජිත් සෙනෙවිරත්න
සියලුම ඡායාරූප නරඹන්න
අපගේ readphotos වෙබ් අඩවිය වෙත පිවිසෙන්න.
