රෂිකා හෙන්නායක අගෝස්තු 09 , කොළඹ LNW :
ශ්රී ලංකා පොදුජන පෙරමුණේ නාවලපිටිය හිටපු සංවිධායක කේ.එල්.ඒ. ගුණසිංහ මහතා ඇතුළු නියෝජිත පිරිසක් සර්වජන බලය සන්ධානය සමඟ එක්වීමට ගත් තීරණය ඇත.
ජාතික සංවිධායක දිලුම් අමුණුගම මහතා හමුවී නිල වශයෙන් සහය පළ කළ මෙම කණ්ඩායම, ඉදිරි දේශපාලන කටයුතු වෙනුවෙන් නව සන්ධානය සමඟ එක්ව වැඩ කිරීමට සූදානම් බව ප්රකාශ කර ඇත.
මෙම හමුවෙන් පසු අදහස් දැක්වූ අමුණුගම මහතා වත්මන් රජයේ ඒකාධිපති පාලනය සහ අධිකරණ ක්ෂේත්රයට එල්ල වන බලපෑම් දැඩි ලෙස විවේචනය කළේය.
අනෙකුත් ප්රධාන පක්ෂවල ජනප්රියත්වය පිරිහෙමින් පවතින පසුබිමක තමන්ගේ දේශපාලන බලවේගය වේගයෙන් ජනතා ප්රසාදය දිනාගනිමින් සිටින බව ඔහු පෙන්වා දුන්නේය.
බන්ධනාගාර ගැටුම් සම්බන්ධයෙන් රජය එල්ල කරන චෝදනා ප්රතික්ෂේප කළ ඔහු, පාලනාධිකාරිය තම වගකීම් පැහැර හරින බවට ද මෙහිදී චෝදනා කළේය.
මෙම දේශපාලන සංක්රමණය හරහා නාවලපිටිය ප්රදේශය තුළ සර්වජන බලය සතු ඡන්ද පදනම තවදුරටත් ශක්තිමත් වනු ඇතැයි අපේක්ෂා කෙරේ.
