රෂිකා හෙන්නායක අගෝස්තු 09 , කොළඹ LNW :
ඉන්දුනීසියාවේ නැගෙනහිර ජාවාහි පිහිටි බ්රෝමෝ ටෙන්ගර් සෙමේරු ජාතික උද්යානය, සීඝ්රයෙන් පැතිර යන ලැව්ගින්නක් හේතුවෙන් සංචාරකයින් සඳහා සම්පූර්ණයෙන්ම වසා දමා ඇත.
අධික සුළඟ සහ දුෂ්කර භූමි ප්රදේශය නිසා ගින්න මැඩපැවැත්වීමට දැඩි බාධා එල්ල වී ඇති අතර, මේ වන විට එය විශාල භූමි ප්රදේශයක් විනාශ කර තිබේ.
මෙම ආපදා තත්ත්වය පාලනය කිරීම සඳහා බලධාරීන් විසින් ගුවන් මගින් ජලය ඉසින හෙලිකොප්ටර් සහ සිය ගණනක සහන සේවකයින් පිරිසක් යොදවා ඇත.
එල් නිනෝ කාලගුණික විපර්යාසය හේතුවෙන් ඇති වූ දැඩි නියඟය මෙම වසරේ ලැව්ගිනි තත්ත්වය උග්ර කිරීමට ප්රධාන වශයෙන් බලපා ඇති බව වාර්තා වේ.
මහජන ආරක්ෂාව තහවුරු කිරීම වෙනුවෙන් ගත් මෙම තීරණය උද්යානය නැවත දැනුම් දෙන තුරු ක්රියාත්මක වන බව බලධාරීහු පවසති.
