රෂිකා හෙන්නායක අගෝස්තු 10 කොළඹ LMN :
තිළිණ සම්පත් නොහොත් වලස් කටා බස්නාහිර උතුරු අපරාධ කොට්ඨාසයෙන් පළා යාමට උත්සාහ දැරීමේදී ඔහුගේ දෙපාවලට සහ එක් අතකට හානි සිදුව තිබේ.
දින 90ක රැඳවුම් නියෝග මත වලස් කටා මේ වන විට බස්නාහිර උතුර අපරාධ කොට්ඨාසයේ රඳවා තබාගෙන ප්රශ්න කිරීම් සිදුකරනු ලබයි.
ඒ අනුව ඊයේ (09) රාත්රි 9.15ට පමණ සැකකරුට වැසිකිළි යාමට අවශ්ය බව පවසා ඇති අතර එහිදී අත්මාංචු ගලවා නිලධාරීන් සිව් දෙනෙකු සමග ඔහු වැසිකිළියට ගොස් තිබේ.
එහිදී වැසිකිළියට යන අතරතුර වලස් කටා නිලධාරීන්ට පහරදී තුන්වන මහලින් බිමට පැන ඇති බව වාර්තා වේ.
එහිදී මොහුගේ දෙපා කැඩී ගොස් ඇති අතර එක් අතක් වැළමිට ප්රදේශයෙන් බිඳී ගොස් ඇති බවද පොලීසිය සඳහන් කළේය.
සැකකරු මේ වන විට දැඩි පොලිස් ආරක්ෂාව මධ්යයේ කොළඹ ජාතික රෝහලේ ප්රතිකාර ලබයි.
