සටහන – රෂිකා හෙන්නායක
කොළඹ (LNW): ක්රීඩා අමාත්යවරයා විසින් ශ්රී ලංකා මෝටර් රථ ක්රීඩා සංගමයේ ලියාපදිංචිය අත්හිටුවාමින් අති විශේෂ ගැසට් නිවේදනයක් නිකුත් කර තිබෙනවා.
තාවකාලික කාර්ය ක්රමයක් වශයෙන් එකී සංගමයේ කටයුතු තවදුරටත් පවත්වාගෙන යාම සඳහා සත් පුද්ගල කමිටුවක් පත්කරන බවයි ගැසට් නිවේදනයේ දැක්වෙන්නේ.
එම සත් පුද්ගල කමිටුවේ සභාපති ලෙස මහේෂ් ගම්මන්පිල මහතා නම් කර ඇති අතර , ශ්රී ලංකා මෝටර් රථ සංගමයේ නිලවරණය කැඳවීම සහ ඒ කටුයුතු අධීක්ෂණයට ක්රීඩා සංවර්ධන දෙපාර්තමේනතුවේ අධ්යක්ෂ ජනරාල්ට බලය පවරන බවයි ක්රීඩා අමාත්යවරයා නිකුත් කළ ගැසට් නිවේදනයේ සඳහන් වන්නේ.
ඒ අනුව ඔහු විසින් ශ්රී ලංකා මෝටර් රථ සංගමයේ නිලවරණය පැවැත්වීමට විශේෂ මහා සභා රැස්වීමක් කැඳවා එමඟින් නිලවරණ කමිටුවක් පත්කර ගත යුතු වන බවයි පැවසෙන්නේ .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
