සටහන: සශිකලා මධුෂාණි,
අගෝස්තු 12, ලෝකය (අවුට්බවුන්ඩ් ටුඩේ) : පසුගිය ජුලි 31 වන දින ඊශ්රයලය විසින් ටෙහෙරානයේ දී හමාස් හි ඉහළම දේශපාලන නායක ඉස්මයිල් හනියේ ඝාතනය හා හිස්බුල්ලා සංවිධානයේ ජ්යෙෂ්ඨ කමාන්ඩර් ෆුඩ් ෂුක්ර් ඝාතනය කිරීමට ප්රතිචාර වශයෙන් ඉරානය මෙන්ම හිස්බුල්ලා සංවිධානය ඕනෑම මොහොතක ඊශ්රයලයට ප්රහාර එල්ල කළ හැකි හෙයින් ඊශ්රයලයේ ආරක්ෂාව වෙනුවෙන් එක්සත් ජනපදය නව මාර්ගෝපදේශක මිසයිල සබ්මැරීනයක් මැදපෙරදිගට යවා ඇති බව වාර්තා වේ.
එක්සත් ජනපදයේ ආරක්ෂක ලේකම් ලොයිඩ් ඔස්ටින් මේ සම්බන්ධයෙන් විශේෂ ප්රකාශයක් කරමින් කියා තිබුණේ, නව මාර්ගෝපදේශක මිසයිල සබ්මැරීනය හා F-35C ප්රහාරක ජෙට් යානා රැගත් USS ඒබ්රහම් ලින්කන් වාහක ප්රහාරක කණ්ඩායම මැදපෙරදිගට යවා ඇති බවත්, එක්සත් ජනපදය සිය මිතුරා ආරක්ෂා කිරීමට හැකි සෑම පියවරක්ම ගන්නා බවත්ය.
වත්මන් ආරක්ෂක තත්වය සලකා මගී ගුවන් සමාගම් කිහිපයක් කලාපයේ ගුවන් තොටුපළවල් වන ඊශ්රායලයේ ටෙල් අවිව්, ලෙබනනයේ අගනුවර වන බීරූට්, ජෝර්දානයේ අගනුවර වන අම්මාන්, ඉරාකයේ එර්බිල් සහ ඉරාන අගනුවර වන ටෙහෙරානය වෙත ගුවන් ගමන් නවතා ඇති අතර එක්සත් ජනපදය, ප්රංශය,කැනඩාව, ඉන්දියාව ආදී රටවල් සිය පුරවැසියන්ට බිරුට්, ටෙහෙරාන් වලින් ඉවත්වන ලෙස ද අනතුරු අඟවා ඇත.
