සටහන – රුවන් නෙළුගොල්ල
“ප්‍රාග්ධන වෙළෙඳපොළ සංවර්ධනය සඳහා අභියෝග සහ අවස්ථා සම්බන්ධයෙන් සමගි ජන බලවේගයේ අනාගත ප්‍රතිපත්තිය” යන මැයෙන් යුතුව විශේෂ සාකච්ඡාවක් පසුගිය අගෝස්තු 9 වැනි දින විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් සිනමන් ලේක්සයිඩ් හෝටලයේ දී පැවැත්විණි.
මේ සඳහා කොළඹ කොටස් වෙළෙඳපොළ සහ ප්‍රාග්ධන වෙළෙඳපොළට සම්බන්ධ වෘත්තිකයන් මෙන් ම සමගි ජන බලවේගයේ ආර්ථික කමිටු සාමාජිකයන් වන ආචාර්ය හර්ෂ ද සිල්වා, එරාන් වික්‍රමරත්න සහ කබීර් හෂීම් යනාදීන් ද එක්වූ අතර මෙහිදි වර්තමාන ශ්‍රී ලංකාවේ පවතින තත්ත්වය සම්බන්ධයෙන් දෙපාර්ශවයම අදහස් හුවමාරු කරගන්නා ලදි.
ශ්‍රී ලංකාවේ දේශපාලන පක්ෂයක් ප්‍රාග්ධන වෙළෙඳපොළ වෘත්තිකයන් සමග මෙවන් සාකච්ඡාවක් පැවැත්වූ පළමු අවස්ථාව මෙය බව සඳහන්.
මෙම සමුළුවේ කැදවුම්කරු ලෙස කටයුතු කලේ හිටපු පළාත් සභා මන්ත්‍රි සහ ප්‍රාග්ධන වෙළෙඳ පොල හිටපු ආයෝජන උපදේශකයෙකු ලෙස කටයුතු කල නිරෝෂන් පාදුක්ක මහතා ය.
