කොළඹ LNW:රනිල් වික්රමසිංහ ජනාධිපතිවරයා වටා මේ වන විට පක්ෂ 35ක් පමණ ඒකරාශී වී සිටින අතර දේශපාලනයට පිවිස නැති පක්ෂ 40ක් පමණද එකතුව සිටින අතර මේ වන විටත් එකතු වෙමින් සිටින මන්ත්රීවරු දෙස බලන විට වික්රමසිංහ මහතාගේ ගමන කොයි දෙසටද යන්න පැහැදිලි වන බව එක්සත් ජාතික පක්ෂයේ ජාතික ලේකම් රවී කරුණානායක මහතා පැවසුවේය.
වැදගත් වන්නේ කයිවාරු ගැසීම නොව එකට එකමුතුව වැඩ කළ හැකි කණ්ඩායමක් එකතු වීම බවයි කරුණානායක මහතා සඳහන් කළේ.
රනිල් වික්රමසිංහ මහතා ස්වාධීනව ඉදිරිපත්වී සිටින්නේද ඒ වෙනුවෙන් බව ඔහු අවධාරණය කරන ලදී.
අභියෝගයක් පැවති මොහොතේ රට ගොඩගත් පිරිසත් සමඟ එකතු වී ඉදිරියට ගමන් කිරීම තමයි සිදුවිය යුත්තේ යන්නද රවී කරුණානායක මහතා ප්රකාශ කළේය.
ඔහු මෙම අදහස් දක්වා සිටියේ එක්සත් මගී ප්රවාහන සේවා වෘත්තිකයන්ගේ සංගමය මගින් පවත්වනු ලැබූ නිපුණතා සංවර්ධන වැඩමුළුව අවසානයේ සහතික පත් ප්රදානය කිරීම සඳහා එක වූ අවස්ථාවේදීය.
ආශිකා බ්රාහ්මණ
