ගුරු උපදේශකවරුන් 1982ක පුරප්පාඩු ඇති බවට මීට පෙර තමා පාර්ලිමේන්තුවේදී අනාවරණය කළ බවත් එම පුරප්පාඩු පිරවීමට කටයුතු කරන බවට මීට මාස කිහිපයට පෙර අධ්යාපන ඇමතිවරයා පොරොන්දු වූ නමුත් එය තවම ක්රියාත්මක වී නොමැති බවත් එසේම ගුරුවරුන් ගුරු උපදේශක තනතුරට පත්වීමේ දී සිදුවන වැටුප් විෂමතාවක් ඇති බවත් මීට පෙරත් ඒ සම්බන්ධයෙන් අනාවරණය කළ බවත් එම ගැටලුව නිසා බොහෝ ගුරු උපදේශකවරුන් අදාළ සේවය බාර ගැනීමට සිදු නොකරන බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායකවරයා මේ බව කියා සිටියේ පාර්ලිමේන්තුවේ දී අධ්යාපනය පිළිබඳ ආංශික කාරක සභාව රැස්වූ අවස්ථාවේ දී ගුරු උපදේශක සේවයේ ගැටලු සම්බන්ධයෙන් අවධානය යොමු කරමිනි.
ජනවාරි මාසයේ සිට මෙම ගැටලු මතු කළත් තවමත් විසදුම් ලබා නොදී සිටීමට හේතු කවරේද? යන්න සම්බන්ධයෙන් විමසා සිටි විපක්ෂ නායකවරයා තවදුරටත් කියා සිටියේ මෙම ගැටලු විසදීමට අදාළව නිශ්චිත කාලසීමාවක් ලබා දෙස ලෙස ද ඉල්ලා සිටියේය.
ුගුරු උපදේශකවරයා ගුරුවරුන්ට වඩා ඉහළ තලයක සිටිනවා නම් ඔවුන්ගේ වැටුප් සහ වර්ධක වැඩි විය යුතු බවත් කිසිදු විෂමතාවක් ඇති නොවිය යුතු බවත් පැවසූ විපක්ෂ නායකවරයා කියා සිටියේ ආයතනික වශයෙන් ගුරු උපදේශකවරුන් සමඟ ගැටලුවක් ඇති නිසා මෙම ප්රශ්න විසදීම පමා වෙන බවට සැකයක් ඇති බව ද පැවසීය. එවැනි ගැටුම් ඇති කර නොගන්නා ලෙසත් විපක්ෂ නායක සජිත් ප්රේමදාස මහතා මෙහි දී ඉල්ලා සිටියේය.
RN
