සටහන – රුවන් නෙළුගොල්ල
මව්බිම ජනතා පක්ෂයේ නායක, කෝටිපති ව්‍යාපාරික දිලිත් ජයවීර මහතා 2024 ජනාධිපතිවරණයට ඉදිරිපත් වීම සඳහා ඊයේ (13) ඇප මුදල් තැන්පත් කළේය.
ඒ මහතා එසේ ඇප මුදල් තැන්පත් කර ඇත්තේ ශ්‍රී ලංකාවේ කොමියුනිස්ට් පක්ෂයේ ජනාධිපතිවරණ අපේක්ෂකයා වශයෙනි.
අංක 91, ආචාර්ය එන්. එම්. පෙරේරා මාවත, කොළඹ 08 ලිපිනයේ පදිංචි ගීගනගේ වීරසිංහ යන අය විසින් දිලිත් ජයවීර මහතා වෙනුවෙන් ඇප මුදල් තැන්පත් කර ඇත.
ප්‍රාග්ධනයේ ආධිපත්‍යයට එරෙහිව කොමියුනිස්ට් සමාජයක් බිහිකිරීම අරමුණු කරගෙන වාමාංශික දේශපාලනයක් කිරීමට පිහිටුවන ලද ශ්‍රී ලංකාවේ කොමියුනිස්ට් පක්ෂය අවසානයේ කෝටිපති ව්‍යාපාරිකයකුට කුලියට දීමට සිදුවීම ද දෛවෝපගත සිදුවීමක් වශයෙන් හැඳින්විය හැකිය.
