මහජන උපයෝගීතා කොමිසම විසින් පසුගියදා ප්‍රකාශයට පත්කෙරුණු බව විදුලි ගාස්තු සංශෝධනය ගැටලු සහගත බවට විදුලිබල මණ්ඩලය චෝදනා කරයි.
ඒ අනුව විදුලි ගාස්තුව 75%කින් ඉහළ නංවා ඇතත් විදුලිබල මණ්ඩලය වාර්ෂිකව තවදුරටත් රුපියල් බිලියන 45ක පමණ අලාභයක් ලබනු ඇති බවයි එම මණ්ඩලයේ ආයතනික ක්‍රමෝපාය සහ නියාමන කටයුතු පිළිබඳ නියෝජ්‍ය සාමාන්‍යාධිකාරී නිහාල් වීරරත්න මහතා පවසන්නේ.
එමෙන්ම විදුලිබල මණ්ඩලයේ සේවකයින්ගේ වාර්ෂික වරප්‍රසාද සහ දීමනා සම්බන්ධයෙන් තීරණ ගැනීමේ අයිතිය ඇත්තේ විදුලිබල මණ්ඩලයටම මිස මහජන උපයෝගීතා කොමිසමට නොවන බවත් ඒ මහතා වැඩිදුරටත් ප්‍රකාශ කර තිබේ.
නව ගාස්තු ක්‍රමවේදයේ පවතින ගැටලු පිළිබඳව මහජන උපයෝගීතා කොමිසමට ඉදිරියේදී ලිඛිතවම දැනුම් දෙන බවත් නිහාල් වීරරත්න මහතා රූපවාහිනී සංවාදයකට එක්වෙමින් පවසා ඇත.
RN
