රෂිකා හෙන්නායක අගෝස්තු 16, කොළඹ (LNW):
අද (16) පෙරවරුවේ සර්වජන බලය ජනාධිපති ධුර අපේක්ෂක, දිලිත් ජයවීර මහතා හුණුපිටිය ගංගාරාම විහාරස්ථානයට පැමිණ ආචාර්ය පුජ්‍ය කිරින්දේ අස්සජී හිමියන් බැහැදැක ආශිර්වාද ලබා ගත්තේය.
අනතුරුව අස්සජී හිමියන් සමඟ සුහද කතාබහක නිරත වූ දිලිත් ජයවීර සර්වජන බලයේ දෙවැනි කෙටුම්පත ද උන්වහන්සේ වෙත පිළිගන්වනු ලැබූ අතර, විහාරස්ථානයට රැස්ව සිටි පිරිස සමඟ ද ව්‍යවසායක දිලිත් ජයවීර සුහද කතාබහක නිරතව ඇත.
හෙට (17) දින සර්වජන බලය රැලි මාලාවේ මංගල රැලිය, ජනාධිපති ධුර අපේක්ෂක ව්‍යවසායක දිලිත් ජයවීර ගේ ප්‍රධානත්වයෙන් යාපනයෙන් ආරම්භ කිරීමට නියමිත අතර ,ජනාධිපතිවරණයක දී ජාතික මට්ටමේ සන්ධානයක ජනපති ධුර අපේක්ෂකයෙක් සිය මංගල ජන රැලිය යාපනයෙන් ආරම්භ කරන ඉතිහාසයේ ප්‍රථම අවස්ථාව ද මෙය වන බවද සඳහන් වේ.
