මේ වනවිට රටේ තත්වය ස්ථාවර වී ඇති බැවින් තවදුරටත් හදිසි නීතිය දීර්ඝ කිරීමට තමන් කටයුතු නොකරන බව ජනාධිපති රනිල් වික්‍රමසිංහ මහතා පවසයි.
“අපි ගත කරන්නේ නීතිය හා සාමය ස්ථාපිත කිරීමට කැප කළ කාලයක්. දරුණු ආර්ථික අර්බුදය සහ දරුණු දේශපාලන අස්ථාවරභාවය නිසා ශ්‍රී ලංකාවට අහිමි වුණු දේ ගණනය කළ නොහැකි තරම්. නමුත් දැන් අපි යථා තත්වයට පත්වී සිටින්නේ. අපට ඇති අභියෝගය අනාගතයට මුහුණ දෙන්නේ කොහොමද කියන එකයි. රටේ තත්වය සාමාන්‍ය අතට පත්වී තිබෙන නිසා මම හදිසි නීතිය තවදුරටත් දීර්ඝ කරන්නේ නැහැ. එය මේ සතිය අවසානයේදී අවසන් වෙයි. නමුත් එය පමණක් ප්‍රමාණවත් නැහැ. අපි කොහොමද ඉදිරියට යන්නේ කියන එක සම්බන්ධයෙන් ආකල්පමය වෙනසක් අපට අවශ්‍යයයි. අපි ඒ වෙනස ඇති කළොත් මේ රටට අනාගතයක් තියෙයි, එහෙම නොවුණත් මේ රට තවත් ලෙබනනයක් බවට පත්වෙයි”
රනිල් වික්‍රමසිංහ මහතා මේ බව පැවසුවේ ඊයේ (16) පැවති විද්වත් වෘත්තිකයින්ගේ සංගම් සම්මේලනයේ 2022 සම්මාන ප්‍රදානෝත්සවය අමතමිනි.
RN
