සටහන – පුලී
අගෝස්තු 19, කොළඹ (LNW): නෙවර්මෝර් ඇකඩමියට නව අධ්‍යන වර්ෂයක් උදා වී තිබේ. සිය පවුල පිටින් එන Wednesday Addams පාසලට ඇතුළත් වන්නේ සිය මලණුවන්ට ද උපදෙස් ලබා දෙමිනි. ඇය දෙස පාසලේ සියලු දෙනා ඇස් යොමන්නේ පාසලේ ගැලවුම්කාරිය පැමිණියාක් මෙනි. තවත් සමහරෙක් සමරු පොත් ඇතැතිව ඇය වෙත එන්නේ ඇයගෙන් සමරු සටහනක් ලබා ගැනීමටය. නමුත් Wednesday යනු ඇටෙන්ෂන් සීකර් කෙනෙක් නොවන වඟ ඔබ අප කවුරුත් දන්නා කරුණකි.
ඔබ Netflix හි Wednesday හි පළමු කතාමාලාව නරඹා වැඩි අභිරහස් පරිසරයක් සහ අඩු හාස්‍යයක් ඇති ඇඩම්ස් පවුලේ අද්භූත ගමන් මඟ ගැන යම්තාක් අවබෝධයකින් පසුවනවා විය හැකිය.
මීට පෙර සීසන් එකේ පවා හොඳ ප්‍රතිචාර ලැබූ මෙම කතා මාලාවේ නිශ්චිත කතා වස්තුව පිළිබඳ අවබෝධයක් සඳහා මෙය ප්‍රමාණවත් පැහැදිලි කිරීමක් වනු ඇත. Wednesday නව කතා මාලාව හරියට The Chilling Adventures of Sabrina, Percy Jackson and the Olympians සහ Harry Potter හි ආසන්න වශයෙන් සමාන ගතිකතාවයන්ගෙන් යුත් නව නිර්මාණයක් කීවොත් මා නිවැරදි ය.
නෙවර්මෝර් ඇකඩමියේ ගොතික් අභිරහස් සහ අද්භූත නාටකාකරයේ සිදුවීම් සමඟ පැමිණි Wednesday සීසන් 2 මෙවර කොටස් දෙකකට බෙදා ඇති අතර, පළමු කොටස (කථාංග 1 සිට 4 දක්වා) 2025 අගෝස්තු 6 වන දින නිකුත් කරන ලද අතර, දෙවන කොටස (කථාංග 5 සිට 8 දක්වා) 2025 සැප්තැම්බර් 3 වන දින නිකුත් කරනු ඇත.
Wednesday Addams ඇගේ අක්‍රිය මානසික බලයන් සමඟ පොරබදමින් සිටින අතර, එය ඇගේ මිතුරන් ආරක්ෂා කිරීමට ඇය ගන්නා උත්සාහයන් සංකීර්ණ කරයි. විශේෂයෙන් Wednesday සහ ඇගේ මව වන මෝර්ටිසියා අතර විකාශනය වන සම්බන්ධතාවය මෙහි අපූරු තැනක් ගනී.
Jenna Ortega – Wednesday Addams ලෙස නැවත පැමිණෙමින් නිෂ්පාදකවරියක් ලෙසද සේවය කරන අතර Isaac Ordonez – Pugsley Addams, Luis Guzmán – Gomez Addams, Catherine Zeta-Jones – Morticia Addams, Victor Dorobantu – Thing, Emma Myers – Enid Sinclair ලෙස ද සිය රංඟන කර්තව්‍යය ඉටු කරනු ඇත.
නව මුහුණු අතරට නෙවර්මෝර් හි නව ප්‍රධානියා ලෙස ස්ටීව් බුසෙමි සහ 2 වන කොටසේ රංගනයට පිවිසීමට නියමිත අද්භූත රොසලින් රොට්වුඩ් ලෙස ලේඩි ගාගා ඇතුළත් වේ. ග්වෙන්ඩොලින් ක්‍රිස්ටිගේ ලැරිසා වීම්ස් ආත්ම මාර්ගෝපදේශකයෙකු ලෙස නැවත පැමිණීම රසිකයින්ට අපේක්ෂා කළ හැකි අතර එහි අන්ධකාරය, නව අද්භූත සිදුවීම් සහ පුළුල් වූ ඇඩම්ස් පවුලේ පැවැත්ම සමඟින්, Wednesday 2 වන වාරය සිත් ඇදගන්නාසුළු ආරම්භයක් ලබා දුනි.
Images : Internet
