සටහන: සශිකලා මධුෂාණි
අගෝස්තු 25: ලෝකය(අවුට්බවුන්ඩ් ටුඩේ): ස්පාඤ්ඤය වාර්තාගත ඉහලම උෂ්ණත්වයක් අත්විඳිමින් පවතින බව එරට රාජ්‍ය කාලගුණ විද්‍යා ඒජන්සිය (AEMET) නිවේදනය කර තිබේ.
අගෝස්තු 8-17 දක්වා දින 10 ක කාලයක් තුළ මරණ 1,100 ක් පමණ උෂ්ණත්වය හේතුවෙන් වාර්තා වී ඇති අතර AEMET සඳහන් කර තිබුණේ, උෂ්ණත්වය සෙල්සියස් අංශක 43 (ෆැරන්හයිට් අංශක 109) දක්වා ළඟා වූ නවතම තාප තරංගය, දේශගුණික අර්බුදයේ බරපතල කම අවදාරණය කරන බවයි.
මේවන විට රටේ උතුරු හා බටහිර ප්‍රදේශවල ඇතිව ඇති මාරාන්තික ලැව්ගිනි මැඩපැවැත්වීම වෙනුවෙන් ගිනි නිවන භටයින්ට උපකාර කිරීම සඳහා භටයින් 3,400 ක් සහ ගුවන් යානා 50 ක් යොදවා ඇති අතර චෙක් ජනරජය, ෆින්ලන්තය, ප්‍රංශය, ජර්මනිය, නෙදර්ලන්තය සහ ස්ලෝවැකියාව ද ගිනි නිවන භටයින්, වාහන සහ ගුවන් යානා සිය ගණනක් ස්පාඤ්ඤ වෙත යවා ඇත.
විද්‍යාඥයින් පවසන්නේ දේශගුණික අර්බුදය ලොව පුරා දීර්ඝ, වඩාත් තීව්‍ර සහ නිතර තාප තරංග ඇති කරන බවයි.
