ඇතැමුන් ගෝඨාභය රාජපක්ෂව අගමැති කළ යුතුව ඇති බවට යෝජනා කරමින් තිබෙන අතර එය එම අයගේ අවශ්‍යතාවක් වන නමුත් ඔහුට නැවත අවස්ථාව දීමට රටේ මිලියන 20ක ජනතාව මෝඩ විය යුතු නැතැයි රුසියාවේ හිටපු තානාපති උදයංග වීරතුංග මහතා අද (25) මාධ්‍ය වෙත අදහස් දක්වමින් පැවසුවේය.
ගෙවුණු වසර දෙකහමාරක පමණ කාලයක් විනාශ කළේ ඔහුගේ අත්දැකීම් නොව නැති කළේ ශ්‍රී ලාංකිකයන්ගේ අනාගතය බවයි වීරතුංග මහතා සඳහන් කළේ.
කොවිඩ් වසංගතය ව්‍යාප්තව පැවති සමයේ විදේශයන්හි රැකියාවන්, ව්‍යාපාර අහිමි වූ අයට තමන්ගේ රටට පැමිණීම තහනම් කළ එකම ජනාධිපතිවරයා ගෝඨාභය රාජපක්ෂ බව ඔහු ප්‍රකාශ කළේය.
තමන් අවට සිටි යම්කිසි පිරිසකට මඩිය තර කරගැනීමට ඔහු එලෙස තීරණ ගත් බවද වීරතුංග මහතා සඳහන් කරන ලදී.
ගෝඨාභය රාජපක්ෂ විසින් ගත් තරමක් ගත්තේ මෝඩ තීන්දු වන හෙයින් නැවතත් ඔහුව විශ්වාස කළ යුතු නැති බවයි උදයංග වීරතුංග මහතා අවධාරණය කළේ.
ASK
