පළාත් සභා මැතිවරණය ඉදිරියේදී අනිවාර්යයෙන්ම පවත්වනු ඇති බව අග්‍රාමාත්‍ය හරිනි අමරසූරිය මහත්මිය පවසයි.
ප්‍රශ්නය – පළාත් සභා මැතිවරණය තියනවාද ?
“ඔව්. අනිවාර්යයෙන් ඒක තියන්න ඕනෙ නෙ. ඒක නීතියේ හැටියට තියන්න ඕනෙ. සුදුසු වෙලාවට ඒක මැතිවරණ කොමිසම විසින් ප්‍රකාශයට පත්කරයි”
අග්‍රාමාත්‍ය හරිනි අමරසූරිය මහත්මිය මේ බව පැවසුවේ පසුගියදා (22) යාපනයේදී පැවති උත්සවයකට සහභාගී වීමෙන් අනතුරුව මාධ්‍ය වෙත අදහස් දක්වමිනි.
කෙසේවෙතත් පසුගිය සතියේදී පැවති ජාතික ජන බලවේගයේ කාන්තා රැස්වීමකදී පාර්ලිමේන්තු මන්ත්‍රීනී නිලන්ති කොට්ටහච්චි මහත්මිය පවසා තිබුණේ පළාත් සභා මැතිවරණය නොපවත්වන බවත් කිසිදු මැතිවරණයක් නුදුරේදී පැවැත්වෙන්නේ නැති බවත් ය.
