රෂිකා හෙන්නායක අගෝස්තු 27 , කොළඹ LNW :
මාතර ප්‍රදේශයේ රූපලාවන්‍ය ආයතනයක සිදුකළ සාර්ථක වැටලීමකින් රුපියල් කෝටි හතකට අධික වටිනාකමකින් යුත් හෙරොයින් සහ අයිස් මත්ද්‍රව්‍ය තොගයක් සමඟ අඹුසැමි යුවළක් පොලිස් අත්අඩංගුවට ගෙන ඇත.
සැකකරුවන් සන්තකයේ තිබී මත්ද්‍රව්‍යවලට අමතරව ජාවාරමෙන් උපයන ලද මුදල්, ඉලෙක්ට්‍රොනික තරාදි සහ ජංගම දුරකථන ද පොලිසිය විසින් සොයාගෙන තිබේ.
මෙම යුවළ කාලයක සිට මහා පරිමාණයෙන් මත්ද්‍රව්‍ය ජාවාරමේ නිරත වී ඇති බවට මූලික විමර්ශනවලදී හෙළි වී ඇත.
අත්අඩංගුවට ගත් සැකකරුවන් ඉදිරි විමර්ශන සඳහා මහෙස්ත්‍රාත් අධිකරණය වෙත ඉදිරිපත් කිරීමට නියමිතය.
මෙම මෙහෙයුම මාතර කොට්ඨාස අපරාධ විමර්ශන ඒකකයේ නිලධාරීන් විසින් බුද්ධි තොරතුරකට අනුව ක්‍රියාත්මක කර තිබේ.
