අවුරා ලංකා සමාගමේ හිමිකරු වන කෝටිපති ව්‍යාපාරික විරංජිත් තාඹුගල එම වත්කම් උපයාගත් ආකාරය සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශනයක් ආරම්භ කර ඇති බව වාර්තා වේ.
පොලිස්පතිවරයාගේ නියෝග පරිදි අපරාධ පරීක්ෂණ දෙපාර්තමේන්තුවේ නීතිවිරෝධී වත්කම් විමර්ශන කොට්ඨාසය විසින් මෙම විමර්ශනය ආරම්භ කර ඇත.
විරංජිත් තාඹුගල නීතිවිරෝධී ලෙස මුදල් උපයාගෙන ඇති බවටත් මෑතකදී ආරම්භ කළ කෝමාරිකා වගා ව්‍යාපෘතියක් හරහා නීතිවිරෝධී ක්‍රියාවල නිරත වෙමින් සිටින බවටත් පසුගිය සමයේ සමාජ මාධ්‍ය ඔස්සේ බරපතළ ලෙස චෝදනා එල්ල වී තිබිණි.
ඒ අනුව ඔහු මුදල් උපයාගත් ආකාරය සම්බන්ධයෙන් සහ ඔහුගේ ව්‍යාපාර සම්බන්ධයෙන් පූර්ණ විමර්ශනයක් සිදුකරන ලෙස පොලිස්පතිවරයා විසින් නියෝග කර ඇති බව සඳහන්.
RN
