සටහන – නිශ්මං රණසිංහ
අගෝස්තු 28, (LNW) කොළඹ :
ශ්රී ලංකා ක්රිකට් 2023 දෙසැම්බර් 31 දා අවසන් වූ මුදල් වර්ශය සම්බන්ධයෙන් ඉදිරිපත් කරන ලද මූල්ය වාර්තාවේ දැක්වෙන පරිදි ශ්රී ලංකා රුපියල් බිලියන 12.1 ක ශුද්ධ ආදායමක් වාර්තා කර ඇත.එය පෙර වසරේ ආදායම සියයට එකසිය පහකින් වැඩීවීමක් ය.
කොළඹ සිනමන් ග්රෑන්ඩ් හෝටලයේදී අගෝස්තු 24 දා පැවති අති විශේෂ මහා සභා රැස්වීමකදී මෙම විගනනය කරන ලද මූල්ය ප්රකාශ ඇතුළත් වාර්තාව ඒකමතිකව අනුමත කර ඇත. ජාත්යන්තර ක්රිකට්, දේශීය ක්රිකට්, අනුග්රාහක ගිවිසුම්, සහ අයිසීසී විසින් වාර්ෂිකව ලබා දෙන මුදල් ලබා දීම් ද මේ ශුද්ධ ආදායම ඉහළ යාම කෙරෙහි ප්රධාන වශයෙන් බල පෑ සාධක හතර ලෙස මෙහිදී අවධාරණය කෙරිණ.
ICC ය මඟින් දේශපාලන බලපෑම් හේතුවෙන් කරන ලද ක්රිකට් තහනම නොවන්නට,අවුරුදු 19 පහළ ලෝක කුසලානය ද ශ්රී ලංකාවේ සංවිධානය කරන්නට ඉඩ තිබුණු අතර ඇතැම් විට මේ ආදායම් තත්ත්වය එම තරගාවලියත් පැවත්වුවේ නම් තව දුරටත් ඉහළ යන්නට ඉඩ තිබිණ.
