කොළඹ LNW:සමාජ ක්රමය වෙනස් කිරීම සඳහා බලාපොරොත්තුවෙන් සිටි දිනය එළඹෙන සැප්තැම්බර් 21 උදාවන අතර එදිනට මාලිමාවට ජන්දය පාවිච්චි කර ජනතාවගේ ආණ්ඩුවක් සෑදීමට එක්වන ලෙස ජනතා විමුක්ති පෙරමුණේ ප්රධාන ලේකම් ටිල්වින් සිල්වා මහතා පවසයි.
එම දිනය උදා කිරීම වැළැක්වීමට දැරූ සියලු උත්සාහයන් පරාජය වී තිබෙන අතර සැප්තැම්බර් 21 රටේ ඉතිහාසය අලුතෙන් ලියවෙනු ඇති බවයි ඔහු සඳහන් කරන්නේ.
”අපි අවුරුදු ගාණක් තිස්සේ බලාගෙන හිටියා අපේ මේ සමාජය අපේ රට දුප්පත් කරපු ජනතාව දිළිඳු කරපු වංචා දුෂණ වැඩි කරපු සමාජය සහ මේ සමාජ ක්රමය වෙනස් කර ගැනීමේ දිනයක් පිළිබඳව. දින ගැන ගැන හිටියේ. අන්න එහෙම යහපත් සමාජයක් හදන්න අපේක්ෂා දල්වා ගෙන බලාගෙන හිටපු දින ගනිමින් හිටපු ජනතාවට වළක්වන්න හදපු සියලු උත්සාහයන් නතර වෙලා දිනය ඇවිල්ලා තියෙනවා. ඒ දිනය තමයි සැප්තැම්බර් මාසේ 21. රට වෙනස් කරන දවස. අපේ රටේ ඉතිහාසය අලුතින් ලියන්න පටන් ගන්න දවස. ජනතාව තමන්ට බලය අරගෙන සැබෑ පාලනයක් නිර්මාණය කරන දවස සැප්තැම්බර් 21. අන්න එදාට ජන්දේ දීලා මාලිමාවේ ආණ්ඩුවක්,අනුර දිසානායක සහෝදරයා ජනාධිපති කරලා ජනතාවගේ ආණ්ඩුවක් හදන්න තමයි අපි කවුරුත් ඇවිල්ලා ඉන්නේ.” යනුවෙන් ටිල්වින් සිල්වා මහතා වැඩිදුරටත් ප්රකාශ කරයි.
ආශිකා බ්රාහ්මණ
