සටහන – රුවන් නෙළුගොල්ල
වත්මන් රජය බලයට පැමිණීමෙන් පසු ගමට ආණ්ඩුවක් ලබාදී ඇති බවත් එය ප්‍රජා ශක්ති කමිටුව බවත් කෘෂිකර්ම, ඉඩම්, වාරිමාර්ග හා පශූ සම්පත් අමාත්‍ය කේ. ඩී. ලාල්කාන්ත මහතා පවසයි.
“දැන් අපි බලයට ඇවිල්ලා ගමටත් ආණ්ඩුවක් ගෙනල්ලා දීලා තියෙනවා. ප්‍රජා ශක්ති වැඩපිළිවෙල යටතේ ගේන ප්‍රජා ශක්ති කමිටු. එතකොට ප්‍රජා ශක්ති කමිටුවේ ප්‍රධානියා කවුද ? සභාපති. දැන් ගම බලාගන්න ඕනෙ ඕගොල්ලෝ. එහෙනම් එතන තීරණ ගන්න ඕනෙ ගම ඇතුළෙ වෙන්න ඕනෙ වැඩ මොනවද කියලා. අපේ මේ සංවිධානය ඒවා පිළිබඳ අධීක්ෂණය කරන්න ඕනෙ. NPP එක. මේක ආණ්ඩුව නෙවෙයිනෙ, මේක පක්ෂයක්. ඒ කියන්නෙ ඕගොල්ලො පාලකයො වෙලා. ඡන්දය දීලා පැත්තකට වෙලා නෑ, ගම පාලනය කරනවා”
කේ. ඩී. ලාල්කාන්ත අමාත්‍යවරයා මේ බව පැවසුවේ ජාතික ජන බලවේගයේ යටිනුවර, මල්ගම්මන කොට්ඨාස සභාව ප්‍රතිසංවිධානය කිරීමේ වෙනුවෙන් පැවති ජනහමුවක් අමතමිනි.
