ඉදිරි දින තුන හතරක කාලය තුළ බිත්තරයක සිල්ලර මිල යළි සංශෝධනය කිරීමට වෙළෙඳ අමාත්ය නලින් ප්රනාන්දු මහතා එකඟ වී තිබෙන අතර එතෙක් බිත්තරයක් රු.45ක තොග මිලට සහ රු 50ක සිල්ලර මිලට අලෙවි කිරීමට අවසර දුන් බව
සමස්ත ලංකා සුළු බිත්තර නිෂ්පාදකයින්ගේ සංගමය අද (29) මාධ්ය වෙත අදහස් දක්වමින් පැවසුවේය.
ඒ, අද වෙළෙඳ අමාත්යවරයා සමඟ අමාත්යාංශයේදී පැවති සාකච්ජාවෙන් අනතුරුවයි.
බිත්තරයක් සඳහා නිෂ්පාදන වියදම රු.50ක් බව අමාත්යවරයා දැන ගත්තේද අද සකච්ජාවෙන් වන අතර ඒ අනුව බිත්තර මිල සංශෝධනය කිරීමට සිදුවන බව අමාත්යවරයා පැවසූ බවයි ඔවුන් කියා සිටියේ.
දැනට නිකුත් කර තිබෙන ගැසට් නිවේදනය හේතුවෙන් සුළු ගොවියාට බිත්තර අලෙවි කරගැනීමේ දුෂ්කරතාවෙන් සිටින බව අමාත්යවරයා අද තේරුම් ගත් බවද ඔවුන් කියා සිටියේය.
මිල සංශෝධනය නිකුත් කරන තුරු වැටලීම් සිදු නොකරන බවටද පාරිභෝගික අධිකාරියේ නිලධාරින්ද ඔවුන්ට පොරොන්දු වී තිබේ.
ඒ අනුව සංශෝධිත නව සිල්ලර මිල ලෙස රු.50ට වැඩි රු 55 අතර මිලක් නියම වනු ඇති බවට බලාපොරොත්තු වන බවද එම නිෂ්පාදකයින් සඳහන් කරන ලදී.
ASK
