සටහන – රුවන් නෙළුගොල්ල
සමස්ත ලංකා සමෘද්ධි සංවර්ධන හා කෘෂිකර්ම පර්යේෂණ නිෂ්පාදන සහකාර නිලධාරි සංගමය සජිත් ප්‍රේමදාස මහතාට සහාය පළකර තිබේ.
එම සංගමයේ විශේෂ සමුළුවක් ඊයේ (29) කොළඹ සිනමන් ලේක්සයිඩ් හෝලයේදී පැවැත්වුණු අතර එහිදී ඔවුන් සජිත් ප්‍රේමදාස මහතාට මෙවර ජනාධිපතිවරණයේදී සහාය දක්වන බව ප්‍රකාශයට පත්කෙරිණි.
“හිතකාමී රටක් සමෘද්ධිමත් හෙටක්” මැයෙන් යුතුව සංවිධානය කර තිබුණු මෙම සමුළුව නම් කර තිබුණේ “සජිත් සමග සමෘද්ධි බලවේගය” යනුවෙනි.
සමස්ත ලංකා සමෘද්ධි සංවර්ධන හා කෘෂිකර්ම පර්යේෂණ නිෂ්පාදන සහකාර නිලධාරි සංගමයේ ලේකම් ධුරය දරන්නේ ශ්‍රී ලංකා පොදුජන පෙරමුණේ කොළඹ දිස්ත්‍රික් පාර්ලිමේන්තු මන්ත්‍රී ජගත් කුමාර මහතා විසිනි.
