නුවරඑළියේ පිහිටි අරලිය ග්‍රීන් සිටි අධිසුඛෝපභෝගී සංචාරක හෝටලයට අගෝස්තු 26 වනදාට වසර 8ක් සපිරුණි.
මෙම හෝටලය නුවරඑළියේ විවෘත කෙරුණු පළමු තරුපහේ හෝටලය වන අතර එය අධි සුඛෝපභෝගී කාමර 192 කින්, රූපලාවන්‍යාගාරයකින්, ඇඟළුම් අලෙවිසැලකින්, ශරීර සුවතා මධ්‍යස්ථානයකින්, රාත්‍රී සමාජශාලාවකින්, මැණික් අලෙවිසැලකින් ඇතුළු අංග ගණනාවකින් සමන්විත විය.
මේ හෝටලය නිර්මාණය කිරීම සහ සංවර්ධන කිරීම සම්බන්ධයෙන් අරලිය සමූහ ව්‍යාපාරයේ අධිපති, කෝටිපති ව්‍යාපාරික ඩඩ්ලි සිරිසේන මහතා සිය ෆේස්බුක් පිටුවේ තබා ඇති සටහන පහතින් දැක්වේ.
අද මගේ Araliya Green City හෝටලයට අවුරුදු අටක් සපිරෙන දවස. පොළොන්නරුව සුදු අරලිය හෝටලයෙන් පස්සෙ, ලංකාවෙ සංචාරක කර්මාන්තයට දැණෙන යමක් කරන්න ඕන කියල හිතාගෙන අතගහපු අමාරුම project වලින් එකක් තමයි මේක.
අධි සුඛෝපභෝගී කාමර 192 කින් සපිරි, කාමර ඛාණ්ඩ 05 කින් සුසැදි, Mini mart, salon, wood carving shop, clothing shop, Night Club, Gem shop, gym, snooker rooms වලින් අංග සම්පූර්ණ වුණ, නුවරඑළියට ආපු පළවෙනි තරුපහේ අමුත්තා තමයි අරලිය Green City කියල කියන්නෙ.
විශේෂයෙන්ම මෙම හෝටලය ලංකාවෙ ඉන්න මුස්ලිම්වරු අතර ප්‍රසිද්ධ වුණේ හලාල් කෑම තියන හෝටලයක් විදියට. ඒ නිසාම මේ හෝටලයේ occupancy එකෙන් 60% කට ආසන්න ප්‍රමාණයක් පිරීගියේ High End මුස්ලිම්වරුන්ගෙන්.
විශේෂයෙන්ම Heated swimming pool ආදී සුඛෝපභෝගී පහසුකම් වලින් සමන්විත මෙම Araliya Green City හෝටලය වසර දෙකකටත් අඩු කාලයකින් විවෘත කරන්නට හැකිවීම මම දැක්කෙ ආශීර්වාදයක් විදියට. එහි සම්පූර්ණ ගෞරවය විරාන් පුතා සහ ජයසිංහගෙන් සමන්විත කණ්ඩායමට මම මේ මොහොතේ පිරිණමනවා.
මෙහි කාමර නිර්මාණය කිරීමේදි කාණ්ඩ පහකට ඒවා බෙදා වෙන්කර අප විසින් නිර්මාණය කළා. superior suite rooms, junior suite rooms, executive suite rooms, Royal suite rooms සහ premium suite rooms වශයෙන් එය නම් කළා. විශේෂයෙන්ම මෙමඟින් අපි බලාපොරොත්තු වුණේ පවුල් වශයෙන් එන බොහෝ දෙනාට සුඛෝපභෝගී නවාතැන්පළක් සැපයීම. එය ඇත්තටම හිතුවටත් වඩා අද සාර්ථක වෙලා තියනවා. විශේෂයෙන්ම උදේ 7 සිට රාත්‍රී 11 තෙක් විවෘත වී තියන food court එක නිතරම පාහේ මිනිසුන්ගෙන් පිරී ඉතිරී යන්නෙ අන්න ඒ නිසයි.
එදා මේ හෝටලය විවෘත කරද්දි මෙහි ආරම්භක කෑමවේල, එහෙමත් නැත්නම් opening buffet එක මම සම්පූර්ණයෙන්ම වෙන් කළේ මගේ කාර්‍යමණ්ඩළයට. ඒ පිරිස අතරට හෝටල් කාර්‍යමණ්ඩළය සමඟ අන්තර්ග්‍රහණය නොවී රැකියා කළ සියලුම දෙනා පාහේ ඇතුලත් වුණා.
ඉතින් කාමර 192 කින් නුවරඑළියේ ආරම්භ කළ ඒ ගමන අද වෙද්දි කාමර දහසකට වඩා වැඩි සංඛ්‍යාවක් දක්වා ඉහළට ගෙනියන්න මට හැකියාව ලැබිල තියනවා. මේ හැම ප්‍රතිලාභයක්ම මට වගේම රටට, රටේ ජනතාවට බෙදී යද්දි බොහොම ආඩම්බරකාර හැඟීමක් මට මං ගැනම ඇතිවෙනවා.
