කොළඹ LNW: ඉන්දුනීසියානු සහ ශ්රී ලංකා පොලීසි ඒකාබද්ධ මෙහෙයුමකින් ඉන්දුනීසියාවේ ජකර්තා නුවරදී අත්අඩංගුවට ගෙන මෙරටට රැගෙන ආ සංවිධානාත්ම අපරාධ සහ මත්ද්රව්ය ජාවාරමට සම්බන්ධ පුද්ගලයින් පස්දෙනා ස්ථාන තුනක රඳවා ප්රශ්න කිරීමට කටයුතු යොදා ඇතැයි වාර්තා වෙයි.
ඒ අනුව මන්දිනු පද්මසිරි පෙරේරා නොහොත් කෙහෙල්බද්දර පද්මේ සහ පානදුර නිලංග සම්පත් යන සැකකරුවන් අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශ 3, ශාලින්ත මධුශාන් පෙරේරා නොහොත කමාන්ඩෝ සලින්ත පරීක්ෂණ දෙපාර්තමේන්තුවේ වාණිජ අපරාධ විමර්ශන අංශ 1 සහ ළහිරු මදුශංක නොහොත් තැඹිලි ළහිරු සහ එන්.එන්.ප්රසංග සහ බැකෝ සමන් යන සැකකරුවන් බස්නාහිර පළාත උතුර අපරාධ කොට්ඨාසයේ රඳවා ගෙන් ප්රශ්න කිරෙන බව සඳහන්.
පුද්ගල ඝාතන, මත්ද්රව්ය ජාවාරම මෙන්ම තර්ජනය කිරීම්, කප්පන් ගැනීම් යන චෝදනා මෙම සැකකරුවන්ට එල්ල වී තිබෙන අතර අපරාධ පරීක්ෂණ දෙපාර්තමේන්තුව සහ බස්නාහිර පළාත උතුර අපරාධ කොට්ඨාසය එක්ව එම විමර්ශන සිදුකරයි.
