කොළඹ LNW:මේ වසරේ මුල් මාස හත තුළ අයවැය පරතරය පසුගිය වසරේ අදාල කාල පරිච්ඡේදය හා සසදා බැලීමේ දී 36.3% කින් පහත වැටී ඇති බව මුදල් අමාත්යංශය අනාවරණය කරයි.
2024 වසරේ මුල් මාස හත තුළ අයවැය පරතරය රුපියල් බිලියන 872.6 ක් ලෙස වාර්තා වී තිබෙන අතර එය මේ වසරේ දී රුපියල් බිලියන 556.1 දක්වා පහත වැටී තිබේ.
2025 වසර සදහා සම්පූර්ණ අයවැය පරතරය රුපියල් ට්රිලියන 2.2 ක් වනු ඇතැයි අපේක්ෂා කරයි.
වසරේ මුල් මාස හත තුළ රජයේ වියදම් රුපියල් ට්රිලියන 3.29 දක්වා ඉහළ ගොස් තිබෙන බවත් එය පසුගිය වසරේ අදාල කාල පරිච්ඡේදය හා සැසදීමේදී 8.5% ක වර්ධනයකි. සම්පූර්ණ වසර සදහා රාජ්ය වියදම රුපියල් ට්රිලියන 7.2 ක් වනු ඇතැයි අපේක්ෂා කරයි.
මේ වසරේ මුල් මාස හතට අදාලව ගත් විට රාජ්ය ආදායම රුපියල් ට්රිලියන 2.7 වන අතර එය පසුගිය වසරේ අදාල කාල පරිච්ඡේදය හා සැසදීමේ දී 26.6% ක වර්ධනයක් ලෙස දැක්වෙයි.
පසුගිය වසරේ මුල් මාස හතට සාපේක්ෂව දේශීය ආදායම් දෙපාර්තමේන්තුව මුල් මාස හත තුළ සිය ආදායම 53% කින් ද, සුරාබදු දෙපාර්තමේන්තුව 52% කින් ද රේගුව 57% කින් ද සිය ආදායම ඉහළ නංවා ගැනීමද විශේෂත්වයකි.
ආශිකා බ්රාහ්මණ
