අතුරු අයවැය දෙවැනි වර කියවීමේ ඡන්ද විමසීමට පෙර රාජ්‍ය ඇමතිවරුන් දිවුරුම් දීම සිදු කිරීමට ආණ්ඩුවේ නායකයන් මීට පෙර තීරණය කර තිබිණි. කෙසේ නමුත් රාජ්‍ය ඇමතිවරුන් දිවුරුම් දීම ලබන 09 වැනිදා දක්වා කල්දමා තිබෙනවා.
ජනාධිපති රනිල් වික්‍රමසිංහ, අගමැති දිනේෂ් ගුණවර්ධන, අමාත්‍ය ප්‍රසන්න රණතුංග යන මහත්වරුන් අතර ඊයේ පැවති සාකච්ඡාවකදී මෙම තීරණයට එළඹ තිබේ.
රාජ්‍ය අමාත්‍ය තනතුරු ලබාදීම කඩිනම් කරන ලෙස අවස්ථා කිහිපයකදී පොදුජන පෙරමුණ ජනාධිපතිවරයාගෙන් ඉල්ලා තිබූ අතර කෙසේ නමුත් එය අතුරු අයවැය දක්වා කල්දමා තිබිණි.
මෙවර රාජ්‍ය අමාත්‍ය තනතුරු 35 ක් ස්ථාපිත කිරීමට නියමිත බවයි වාර්තා වන්නේ. ඉන් බහුතරයක් ශ්‍රී ලංකා පොදුජන පෙරමුණට හිමිවන අතර අදාල නම් ලැයිස්තුව මේ වනවිටත් ජනාධිපතිවරයා වෙත යොමුකර තිබේ. මීට අමතරව විපක්ෂයේ මන්ත්‍රීවරුන් කිහිප දෙනෙකුටද රාජ්‍ය ඇමති ධුර හිමිවීමට නියමිත බවයි වාර්තා වන්නේ.
UN
