රෂිකා හෙන්නායක සැප්තැම්බර් 02, කොළඹ LNW :
ඉදිරි වසරේ පෙබරවාරි මස පැවැත්වීමට නියමිත මංගල කාන්තා ශූරයන්ගේ කුසලාන ක්‍රිකට් තරගාවලියේ සත්කාරකත්වය මුලින් ශ්‍රී ලංකාවට හිමිව තිබුණද, එරට ක්‍රිකට් ආයතනයේ පවතින පරිපාලනමය ප්‍රතිසංස්කරණ හේතුවෙන් එය ඉන්දියාව වෙත පවරා ඇති බව සඳහන් වේ.
විස්සයි20 ආකෘතියෙන් පැවැත්වෙන මෙම තරගාවලිය සඳහා ශ්‍රී ලංකාව ඇතුළු ප්‍රමුඛ පෙළේ කණ්ඩායම් හයක් තරග වැදීමට නියමිතය.
ලීග් ක්‍රමයට පැවැත්වෙන මෙහි දක්ෂතම කණ්ඩායම් දෙක පෙබරවාරි 28 වනදා පැවැත්වෙන අවසන් මහා තරගය සඳහා සුදුසුකම් ලබනු ඇත.
ජාත්‍යන්තර ක්‍රිකට් කවුන්සිලය විසින් සංවිධානය කරනු ලබන මෙම සුවිශේෂී තරගාවලිය පෙබරවාරි 14 වනදා ආරම්භ වීමට නියමිත බව මෙහි වැඩිදුරටත් දැක්වේ.
