කලාපීය ආර්ථික සංවර්ධන ආයතනයේ ( REDA) සභාපති ඒ.එච් ස්ටීවන් මහතා එම තනතුරෙන් ඉල්ලා අස්වීමට තීරණය කර තිබේ.
ඔහුව මෙම තනතුරට පත්කරන ලද්දේ මධ්‍යම පළාත් හිටපු ආණ්ඩුකාර මහාචාර්ය එස්.බී අබේකෝන් මහතා විසින් 2024 නොවැම්බර් මස 06 වැනිදා ය. වසර තුනක් සඳහා මෙම පත්වීම ලබාදී තිබුණු අතර තවත් වසරකට වැඩි කාලයක් තිබියදී ඔහු මෙසේ එම තනතුරින් ඉල්ලා අස්වීම විශෙෂත්වයකි.
මධ්‍යම පළාත් ආණ්ඩුකාර සුරංග ප්‍රනාන්දු මහතා වෙත සිය ඉල්ලා අස්වීමේ ලිපිය ඊයේ (02) දිනයේදී යොමුකරමින් ස්ටීවන් මහතා දැනුම් දී ඇත්තේ සැප්තැම්බර් 10 වනදා සිට තමන් කලාපීය ආර්ථික සංවර්ධන ආයතනයේ සභාපති ධුරයෙන් ඉල්ලා අස්වන බැවින් ඒ සඳහා අවශ්‍ය කටයුතු සලසා දෙන ලෙසයි.
ජාතික ජන බලවේගය බලයට පත්වීමෙන් අනතුරුව මුලින්ම පත්කරන ලද රාජ්‍ය ආයතන ප්‍රධානීන් ගණනාවක්ම පසුගිය සමය තුළ විවිධ අවස්ථාවලදී ඉල්ලා අස්වනු දක්නට ලැබිණි.
