ජනාධිපති රනිල් වික්‍රමසිංහ මහතා සැප්තැම්බර් 15 සහ 16 කියුබාවේ හවානා නුවර පැවැත්වෙන G 77 සමුළුවට සහභාගී වීමට නියමිත බව වාර්තා වේ.
රටවල් 134 ක සාමාජිකත්වයෙන් සමන්විත G 77 සංවිධානය සාමුහික ආර්ථික අවශ්‍යතා ප්‍රවර්ධනය කිරීම සහ ඒකාබද්ධ කේවල් කිරීමේ බලය වැඩිදියුණු කරගැනීමේ අරමුණින් 1964 වසරේදී නොබැඳි ප්‍රතිපත්තිය යටතේ ආරම්භ කෙරුණකි.
“සංවර්ධනයේ වත්මන් අභියෝග : විද්‍යාවේ, තාක්‍ෂණයේ සහ නවෝත්පාදනයේ කාර්යභාරය” මැයෙන් යුතුව මෙවර සමුළුව පැවැත්වෙන බව සඳහන්.
ජනාධිපතිවරයා මෙම සමුළුවට සහභාගී වීමෙන් අනතුරුව ඇමරිකාවේ නිව්යෝර්ක් හි පැවැත්වෙන එක්සත් ජාතීන්ගේ මහාමණ්ඩල රැස්වීමට ද සහභාගී වීමට නියමිත ය.
RN
