කොළඹ LNW: නැවත වරක් ශ්‍රී ලංකාව ආසියාවේ ආඩම්බරය බවට පත්කරන බව ශ්‍රී ලංකා පොදුජන පෙරමුණේ ජනාධිපති අපේක්ෂක පාර්ලිමේන්තු මන්ත්‍රී නාමල් රාජපක්ෂ මහතා පවසයි.
වගකීමක් ඇති පුද්ගලයින් ලෙස කළ හැකි දේ කරන බවත් නොකළ හැකි දේ ගැන නොබියව බැරි බව ප්‍රකාශ කරන බවත් ඔහු සඳහන් කරයි.
”අපිට කරන්න පුළුවන් දේ අපි පුළුවන් කියනවා. බැරි දේ අපි බැහැ කියනවා. අපට විශ්වාසයක් තියෙනවා ඔබ වෙනුවෙන් දියුණු රටක් ගොඩනගන්න අවශ්‍ය වැඩපිළිවෙලත් එක්ක නැවත වතාවක් ආසියාවේ ආඩම්බරය බවට මේ මාතෘ භූමිය සැප්තැම්බර් 21 වැනිදායින් පස්සේ පරිවර්තනය කරන්න අපට හැකියාව සහ ශක්තිය තියෙනවා. ඒ හැකියාව් අපට තියෙනවා. අපිට ඕනේ ඔබේ දරුවා වෙනුවෙන් දියුණු රටක් හදන්න. මේ නාගරික ප්‍රදේශයේ ජීවත් වෙන අමමා තාත්තා අපි දන්නවා අභියෝගාත්මක කාලයක් පහුකලා. පහුගිය කාලේ විදුලිය පැය ගාණක් කැපුණා. එහෙම වුණේ යහපාලන කාලේ එක මෙගාවොට් එකක්වත් විදුලි බල පද්ධතියට එකතු කළේ නැහැ. මහින්ද රාජපක්ෂ මැතිතුමා පටන් ගත්ත උමා ඔය ව්‍යාපෘතිය නැවැත්තුවා. සාම්පූර් විදුලි බලාගාර ව්‍යාපෘතිය නැවැත්තුවා. අවසානයේ ඒකේ පලවිපාක විදින්න ලැබුණේ ගෝඨාභය රාජපක්ෂගේ ආණ්ඩුවට. හැබැයි අපි පැහැදිලිවම කියනවා අපි ඉදිරියේ හදන ආණ්ඩුවක් තුළ රටේ බලශක්ති සුරක්ෂිතතාවය ආරක්ෂා කරනවා විතරක් නෙවෙයි මින් ඉදිරියට කිසිම දේශපාලඥයෙකුට හෝ ආණ්ඩුවකට රටේ බලශක්ති සුරක්ෂිතතාවය මඟහරින්නත් අපි ඉඩ තියන්නේ නෑ.” යනුවෙන් නාමල් රාජපක්ෂ මහතා පවසයි.
ආශිකා බ්‍රාහ්මණ
