රෂිකා හෙන්නායක සැප්තැම්බර් 06 කොළඹ LNW :
කටුනායක ගුවන් තොටුපොළ පැමිණීමේ පර්යන්තයේ ගමන් මලු පථයක් අසළ අතහැර දැමූ ගමන් මල්ලක තිබී රුපියල් විසි කෝටි අනූ ලක්ෂයක් වටිනා කුෂ් මත්ද්රව්ය තොගයක්, සොයා ගෙන ඇති බව වාර්තා වේ.
එම ගමන් මල්ල ඉකුත් 06/28 දින උදෑසන 09.45ට තායිලන්තයේ බැංකොක් නුවර සිට ශ්රී ලන්කන් ගුවන් සේවයේ යූ.එල්.- 403 දරන ගුවන් යානයෙන් කටුනායක ගුවන් තොටුපොළ වෙත රැගෙන පැමිණ තිබුණු බව සඳහන් වේ.
මෙම ගමන් මල්ලේ හිමිකරු ඔරුගොඩවත්ත ප්රදේශයේ පදිංචි 53 හැවිරිදි පුද්ගලයෙකු වන අතර ඔහු අද (06) කොළඹ ග්රෑන්ඩ්පාස් ප්රදේශයේ රැදී සිටියදී පොලිස් මත්ද්රව්ය කාර්යාංශයේ නිලධාරීන් පිරිසක් විසින් අත්අඩංගුවට ගත් බව වාර්තා වේ
මෙම ගමන් මල්ල තුළ ” කුෂ්” මත්ද්රව්ය කිලෝ ග්රෑම් 20යි ග්රෑම් 900ක් ඇසුරුම් 19ක් ලෙස සකස් කර සගවා ගෙන තිබූ බවද වාර්තා වන අතර, අත්අඩංගුවට ගත් සැකකරුවා මීගමුව මහේස්ත්රාත් අධිකරණය වෙත ඉදිරිපත් කිරීමට නියමිත බව වැඩිදුරටත් වාර්තා වේ .
