මැයි 09 වැනිදා කලහකාරී සිදුවීම් අතරතුර ගිනිබත් වූ මැති ඇමතිවරුන්ගේ නිවාස ඇතුළු දේපල සඳහා වන්දි ලබා ගැනීමේදී විවිධ අක්‍රමිකතා සිදුවන බව වාර්තා වේ. මේ නිසා හානි වූ නිවාස ඇතුළු දේපල තක්සේරු කරන නිළධාරීන් දැඩි අපහසුතාවයට ලක්ව සිටී.
ඇතැම් මැති ඇමතිවරුන් ව්‍යාජ භාණ්ඩ ලැයිස්තු ඉදිරිපත් කරමින් ලබා ගන්නා වන්දි මුදල ඉහළ දමා ගැනීමට උත්සා දරමින් සිටින බවයි වාර්තා වන්නේ.
ඇතැම් ඇමතිවරුන් විනාශයට පත් වූ එක් නිවසක් නිවාස දෙකක් ලෙස වාර්තාවලට ඇතුළත් කර නිවාස දෙකකට හිමි වන්දි මුදල් ලබා ගැනීමට උත්සාහ කරයි. එවැනි ඇමතිවරුන් පස් දෙනෙකු පිළිබඳව වාර්තා වී තිබේ.
මැයි 09 ඇති වූ කලහකාරී සිදුවීම් අතරතුර පොදුජන පෙරමුණේ ඇමතිවරුන් හා පාර්ලිමේන්තු මන්ත්‍රීවරුන් 70 කට වැඩි පිරිසකගේ නිවාස ගිනිබත් වූ අතර වාහන ව්‍යාපාරික ස්ථාන ඇතුළු දේපල රැසකටද අලාභ හානි සිදුවිය.
UN
