පසුගිය වසර හා සන්සන්දනය කිරීමේදී මෙම වසරේ ජනවාරි සිට ජුලි මාසය දක්වා කාලය තුළ අපනයන ආදායම ඉහළ ගොස් ඇති බව ශ්‍රී ලංකා මහ බැංකුව පවසනවා. එම කාලසීමාව තුළ 12.9% ක වර්ධනයක් අත්පත් කරගෙන ඇති බවයි මහ බැංකුව පවසන්නේ.
ජනවාරි – ජුලි කාලසීමාවේ මෙරට අපනයන ආදායම ඇමරිකානු ඩොලර් මිලියන 7678 කි.
පසුගිය වසරට සාපේක්ෂව ආනයන වියදම් 3.5% කින් පහළ ගොස් තිබෙනවා. ජුලි මාසයේදී පමණක් 24.8% කින් ආනයන වියදම් පහළ ගොස් ඇති බවයි මහ බැංකුව නිකුත් කළ නිවේදනයේ සඳහන්ව තිබෙන්නේ. ජනවාරි – ජුලි කාලසීමාවේ සමස්ත ආනයනය වියදම ඇමරිකානු ඩොලර් මිලියන 11,315 ක් ලෙස සටහන් වේ.
අපනයන ආදායම් ඉහළ යාම සහ ආනයන වියදම් අඩුවීම හේතුවෙන් ශ්‍රී ලංකාව සතු විදේශ සංචිත යම් ප්‍රමාණයකින් වර්ධනය වී තිබෙනවා. චීන මහජන බැංකුවේ ඩොලර් බිලියන 1.5 හුවමාරු පහසුකමද සමග සමස්ත සංචිත ප්‍රමාණය 1.8 ක් දක්වා ඉහළ ගොස් තිබේ.
UN
