මෙරට ණය ප්‍රතිව්‍යූහගත කිරීමේ ක්‍රියාවලිය සඳහා උපරිම සහයෝගය ලබාදෙන බව ඇමරිකාව පවසනවා. එරට භාණ්ඩාගාර ලේකම්වරයා මේ බව ජනාධිපති රනිල් වික්‍රමසිංහ මහතා වෙත දැනුම් දී තිබේ.
පැරිස් සමාජයේ මූලධර්මවලට අනුව ණය ප්‍රතිව්‍යූහගත කිරීම වෙනුවෙන් ඇමරිකාව මුල්‍ය සහතික ලබාදෙනු ඇති අතර ලෝක බැංකුව, ආසියානු සංවර්ධන බැංකුව සහ ඇමරිකානු මුල්‍ය නියෝජිතායතනද මීට සම්බන්ධ වන බවයි වාර්තා වන්නේ.
ශ්‍රී ලංකාව ණය ලබාගෙන ඇති විදෙස් රටවලින් සහ මුල්‍ය ආයතනවලින්, ණය ප්‍රතිව්‍යූහගත කිරීම සඳහා සහයෝගය ලබාදෙන ලෙස ඉල්ලීම් සිදුකර ඇති අතර කෙසේ නමුත් මෙරට ප්‍රධාන ණයහිමියා වන චීනය ඇතුළු පාර්ශ්ව ගණනාවක් ඊට එකඟතාවය පළකර නොමැත.
ණයහිමියන් විසින් ණය ප්‍රතිව්‍යූහගත කිරීම සඳහා එකඟ වනතෙක් ජාත්‍යන්තර මුල්‍ය අරමුදලේ සහයෝගය ලබා ගැනීමටද නොහැකි වී තිබෙනවා.
UN
