සටහන – රෂිකා හෙන්නායක
කොළඹ (LNW): දරුණූ ගංවතුර සහ ඇදහැලෙන ධාරානිපාත වර්ෂාව හේතුවෙන් දකුණූ යුරෝපයට ගැටලු රාශියක් පැන නැගී ඇත. ග්රීසිය, තුර්කිය සහ බල්ගේරියාවේ අවම වශයෙන් පුද්ගලයින් අට දෙනෙකුවත් මියගොස් ඇති අතර තවත් කිහිප දෙනෙකු අතුරුදහන් වී ඇති බවයි විදෙස් මාධ්ය වාර්තා කරන්නේ.
ගංවතුර හේතුවෙන් ග්රීසියේ අවම වශයෙන් පුද්ගලයන් තිදෙනෙක් , වයඹදිග තුර්කියේ දෙදෙනෙක් සහ බල්ගේරියාවේ කළු මුහුදේ වෙරළ තීරයේ අවම වශයෙන් පුද්ගලයින් තිදෙනෙක් මිය ගොස් ඇති බවයි විදෙස් තොරතුරු වාර්තා කරන්නේ.
විශේෂයෙන් ග්රීසියට දැඩි වර්ෂාපතනයක් සමග ගංවතුර තත්ත්වයකට මුහුණ පෑමට සිදුව ඇති බවත්, ගිනිකොනදිග යුරෝපයේ ජාතික කාලගුණ විද්යා සේවාව විසින් නිල වශයෙන් ‘ ඩැනියෙල්” ලෙස නම් කර ඇති මෙම කුණාටුව, දින කිහිපයක් පවතිනු ඇති බවට විශ්වාස කෙරෙන බවයි විදෙස් මාධ්ය සඳහන් කරන්නේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??